Endometrioz

Endometrioz-bu endometrium (uşaqlığın daxili qişası) müxtəlif orqanlarda olması ilə gedən bir patologiyadır.

Normalda menstruasiya qaninin əsas hissəsi bayıra atılarkən cuzi bir hissəsi daxilə qarına tərəf boşalır.İmmun sistemi normada bu qanı sorub təmizləyə bilir.Lakin bəzən bu qan sorulmur,müəyyən yerlərdə (bağırsaq,sidik kisəsi,periton) yığılıb qan ocaqları əmələ gətirir.Ve bundan sonra hər dəfə menstruasiya vaxtı bu ocaqlar da qanayır,burda yığışan qan yapışıqlıq yaradır,nəticədə ağrı olur.Bu isə istər tualet zamanı,istər cinsi əlaqə,istərsə də aybaşı dövründə xronik ağrılara səbəb olur.Bəzən bu qan yumurtalıqların üzerinde yığışaraq şokolad kistləri adlanan görüntüyə səbəb olur.Müalicə zamanı qan toplanan əlavə ocaqların böyüməsinin qarşısını almaq üçün menstruasiyanın vaxtını azaltmaq lazımdır.Buna görə antiestrogen-progestinlərdən ,kombine kontraseptivlərdən,GNRH analoqlarından istifadə edilir.Diaqnozda laparoskop əsas meyardır.Əlavə endometriozis ocaqlarını görməyə imkan yaradır.Həmçinin laparoskopiya ilə əlavə ocaqları xaric etmək mümkündür.Lakin yumurtalıq üzerinde olan şokolad kistlərində mümkün qədər az cərrahi prosedurdan istifadə etmək lazımdır.Çünki kisti rezeksiya etdiyimiz zaman sağlam toxumanın da bir hissəsini xaric edirik.Bu isə yumurtalığın rezervinin azalmasına və hamiləliyin baş tutmamasına gətirə bilər.Ümumiyyətlə isə,endometriozlu xəstələr yumurtalıqda kistlər yaranıb,böyümədən erkən zamanda hamiləlik etməlidirlər